Dore inama muganga akugira ku bijyanye n'umuvuduko w'amaraso

Umuvuduko ukabije w’amaraso ni imwe mu ndwara zugarije abantu benshi muri iyi minsi kandi yivugana abatari bake kubera ko umuntu aba adashobora kumenya ko ayirwaye keretse amaze kwipimisha cyangwa imaze kugera ku rwego rwo hejuru.
Umuvuduko ukabije w’amaraso ugira ingaruka nyinshi ku muntu uwufite kandi ujyana n’uruhurirane rw’indwara nyinshi. Abantu bakunda kuzongwa niyi ndwara harimo abantu bakuze ndetse n’abagore batwite (gravidic hyperytension).
Nubwo hari imiti iboneka mu bitaro ishobora kugabanya umuvuduko w’amaraso hari inama zitangwa mu by’ubuvuzi mu rwego rwo kwirinda iyi ndwara. Muri zo twavuga nkizi zikurikira: Kugabanya kurya umunyu mwinshi (uyu turya witwa sodium chloride)
Kugabanya kunywa inzoga nyinshi kubantu bose ariko cyane cyane ku bagabo n'abagore barengeje imyaka 45. Byibuze ngo ku bagabo ntibakagombye kurenza 700ml naho abagore bo ntibarenze 350ml. Ibi ngo bigira uruhare rukomeye mu kugabanya umuvuduko w’amaraso.
Kugenda n’amaguru byibuze iminota 30 ku munsi ngo bigabanya umuvuduko ku rugero rwiza.
Kureka kunywa itabi, kuko mu itabi habamo icyitwa nicotine gituma imitsi y’amaraso iba mito(vasoconstriction),bikongera umuvuduko w’amaraso.
Kugerageza kugabanya ibiro n’umubyibuho ukabije nabyo birafasha cyane mu kurwanya iyi ndwara.
Gufata ikiruhuko gihagije ku babyeyi batwite ni byiza cyane kuko bibarinda umunaniro no kuba bagira umuvuduko ukabije w’amaraso.
Ikindi kandi cyemezwa nabashakashatsi ni uko kunywa amazi ku kigero cyiza cyangwa ukarya indyo ikungahaye ku myunyu ngugu nka calcium nabyo bifasha umubiri cyane. Mbibutsa ko umuvuduko w'amaraso ugabanyijemo ibice 2,Diastole na systole,hamwe tubyemeza iyo byageze hejuru ya 120/70 ariko bigaterwa n'ibipimo wakoresheje.